Spahnharrenstätte – Jeden Freeidach in`n September werd in dei Grundschaule St. Johannes Platt protet.

„Freeidach is Plattdach“ is eine Aktion üm use moje Platt lebendich tau hoalen.

Dei Kinner freeit sück schon immer, denn dann güw dat Witziges oder uck moje Gedichte off Leeier up Platt in`t Forum.

Düsse Weeke hav dei veierde Klasse Gedichte över denn Harwst und einen Rägenrap vördrogen un dei tweide Klasse hav us ein mojet Harwstleid vörsungen.

Uck dei Lüttkesten köhnt all dat ein oder annere Leeid up Platt mitsingen un habt vull Spaß dorbie.

Nächste Weeke gaht dat wer wieder mit „Freeidach is Plattdach“. Dann will dei darde Klasse us wat vörmoken. Wie bünnt all ganz gespannt!!

Text/Foto: Werner Rüdebusch